Treno #2

Canzone di treni vuoti, visioni, e gente raminga.

Monto sul treno,
el treno xe vodo,
me sento da solo,
e speto chel parte.
Se move el treno,
pianelo pai campi,
me ciapa el sono,
un sogno vien vanti.

Vedo n'uxelo,
ma n'aquila grande,
e soto sto uxelo
dea gente ramenga.
L'uxelo se alsa
alto e belo
e in mexo chea gente,
vedo me nono.

Core el me treno
pi' svelto pai campi,
mi no me sveio
el sogno va vanti.
Nel sogno vien note,
vien note de boto,
e a gente ramenga
se perde pai campi.

Nel sogno vien note,
vien note de boto,
e a gente ramenga
se perde pai campi.
Nel sogno vien note,
na note potente,
dea gente ramenga
no resta pi' gnente.